शेतकरी मित्रांनो, तुमच्यासाठी एक आनंदाची बातमी आहे! केंद्र सरकारची प्रधानमंत्री किसान सन्मान निधी आणि महाराष्ट्र सरकारची नमो शेतकरी महासन्मान योजना या दोन्ही योजनांचे हप्ते आता एकाच दिवशी तुमच्या बँक खात्यात जमा होणार आहेत. याचा अर्थ, तुम्हाला एकाच वेळी ₹4000 रुपये मिळू शकतात!
पण , यासाठी तुम्हाला काही महत्त्वाच्या गोष्टी लक्षात घ्याव्या लागतील.सर्वात महत्त्वाचं म्हणजे तुमचं KYC पूर्ण असणं गरजेचं आहे. जर KYC पूर्ण नसेल, तर पैसे तुमच्या खात्यात येणार नाहीत. त्यामुळे वेळ न घालवता जवळच्या CSC केंद्रात किंवा संबंधित कार्यालयात जाऊन KYC प्रक्रिया पूर्ण करा.
सध्या खरीप हंगाम सुरू आहे, आणि शेतकऱ्यांना बियाणे, खते, औषधं यांसारख्या गरजा पूर्ण करण्यासाठी पैशाची गरज असते. अशा वेळी पीएम किसान आणि नमो शेतकरी योजनेचे 4000 noरुपये तुमच्या शेतीसाठी खूपच उपयुक्त ठरतील. सरकारने हा हप्ता 18 जुलै 2025 च्या आसपास जमा करण्याचा निर्णय घेतला आहे. याचा फायदा महाराष्ट्रातील जवळपास 93.5 लाख शेतकऱ्यांना होणार आहे. पण लक्षात ठेवा, फक्त पात्र शेतकऱ्यांनाच या योजनेचे पैसे मिळेल. त्यासाठी तुमचे आधार कार्ड, बँक खाते आणि KYC यांची माहिती व्यवस्थित जोडलेली असायला हवी.
काही शेतकऱ्यांना मागील हप्ते मिळाले नसतील, त्या शेतकऱ्यांनी काळजी करू नका. सरकारने अशा शेतकऱ्यांची माहिती तपासली आहे आणि त्यांच्या खात्यात थकित हप्तेही जमा केले जातील. यासाठी गावागावांत सरकारी कर्मचारी कागदपत्रांची पडताळणी करत आहेत आणि तांत्रिक अडचणी सोडवत आहेत.
पीएम किसान योजना म्हणजे काय?
प्रधानमंत्री पीएम किसान सन्मान निधी ही केंद्र सरकारची योजना आहे. याअंतर्गत पात्र शेतकऱ्यांना दरवर्षी ₹6000 रुपये मिळतात, जे तीन समान हप्त्यांमध्ये (प्रत्येकी ₹2000) थेट बँक खात्यात जमा होतात.
नमो शेतकरी योजना म्हणजे काय ?
नमो शेतकरी ही महाराष्ट्र सरकारची योजना आहे, जी शेतकऱ्यांना अतिरिक्त आर्थिक मदत पुरवते. या योजनेअंतर्गतही शेतकऱ्यांना वार्षिक रक्कम दिली जाते, जी पीएम किसान योजनेसोबत एकत्रितपणे त्यांच्या खात्यात जमा केली जाते.
पीएम किसान आणि नमो शेतकरी योजनेचे पैसे खात्यात आले की नाही यासाठी काय करावं ?
तुमचं KYC पूर्ण आहे की नाही, हे तपासून घ्या kar KYC पूर्ण नसेल तर जवळच्या CSC केंद्रात जाऊन पूर्ण करा. आधार कार्ड, बँक खात्याचा तपशील आणि इतर कागदपत्रं व्यवस्थित ठेवा. 18 जुलैच्या आसपास तुमच्या बँक खात्यात पैसे जमा झाले की नाही, हे पाहा.
शेतकरी बांधवांनो, ही संधी सोडू नका! खरीप हंगामात तुमच्या शेतीला बळ देण्यासाठी या योजनांचे पैसे खूप महत्त्वाचे ठरतील. KYC आणि कागदपत्रं तयार ठेवा आणि या योजनांचा जास्तीत जास्त फायदा घ्या!
